BA;BO《傻瓜》
第1頁(共1頁)
BA;BO《傻瓜》
催淚韓國電影一齣, 簡單介紹就係「阿旺」頭「肥貓」尾, 講哂, 夠簡單無?
簡單還簡單, 無疑韓國拍呢類催淚電影的確有一手, 就好似日本拍人狗(唔係AV, 雖然都好拿手...), 絕對睇到你滿眶眼淚兩把鼻涕. 車太賢做傻仔, 非常可愛, 最緊要劇情交代佢因一次意外低低地, 唔係天生, 都可謂入型入格. 河智雲, 我由《色即是空》第一次睇佢, 都有三四年, 乜靚女咗咁多? 除整容技術高超外, 導演應記一功!
每一段催淚劇情都非常到位, 不過由頭到尾回顧一次劇情, 就知呢套嘢甩 beat. 開場女角流浪十年後回家, 傻仔天天等, 年年等終於得償所願, 「阿旺」? 中段介紹傻仔有個好朋友, 地痞古惑一名, 轉 channel 玩友情? 後段傻仔個妹睇唔順呢位傻哥哥, 又變兄妹情? 地痞古惑仲有條愛情線添! 故事中心唔太連貫, 兼估到故事發展方向, 但每段劇情加畫面催淚成功蓋過以上種種, 厲害, 我都睇到眼濕濕.
6/10
Hin- Columbia
- 文章總數 : 34
畢業年度 : 2008
注冊日期 : 2008-03-09
第1頁(共1頁)
這個論壇的權限:
您 無法 在這個版面回復文章