80分鐘死亡直播---消化不良電影

lewis 你唔好去睇
我睇到好暈,差d噁出黎
不過幾驚嚇

不過話時話 部戲 同 <末世兇煞>比, 係"細翳"d, 但正因為夠"細", 被困係一幢大厦裡面---空間細,d喪屍先迫得夠埋, 末世兇煞果隻怪反而太大, 反而有距離; 呢部說是以v8搖黎搖去冷寫實咁拍, 但是卻非亂玩爆血玩核突,由頭到尾很有劇力,氣氛很有迫力, 就憑"細", 在大厦裡又上又落,角色接連瓜柴, 仲一個一個咁變埋喪屍, 攝影師同 主持人 也就成漸漸成為主要--- 到最後更是唯一目標; 而<末世兇煞>感覺比較雜,沒有 "必然是你"的既定目標,呢部戲使你有必死無疑的驚慓感; <末世兇煞>破壞破壞, 人死得多卻死得有點冷,太無感覺, 而呢部片中間有每人的訪問, 提高了你對每人物的感覺,讓你認識他們, 他們的死 和 他們的喪變 反差更大, 越親近也就越驚嚇突兀。
至於"翳"麻, 都唔係乜鬼超高成本既戲, 都不外乎 爆血 曲街 尖叫 突兀 呢d 元素, 不過呢部鏡頭的場面調度真係落過苦功, 好似尾聲 主持人拿到鎖匙, 出左門口發覺消防員 不見了, 向樓梯天井往下看, 咋見消防員 目露凶光, 鏡頭剎時又推低遠一d 往下一層看到警長面目憎懧, 呢兩條喪屍, 拔腿就跑, 好有壓迫力。
而且節奏由開始 慢條斯理 到 後段 極速屍變 追到你冇氣 好能夠提升你的腎上腺素同胃酸。
我想講既係, 鏡頭搖係搖d, 不過場景係做得唔錯。
值得睇, 唔怕噁同消化不良既話。

http://www.sonypictures.com/movies/quarantine/index.html

荷里活 買版權重拍.

SAM 我一睇佢片頭就知無好嘢, 中過一次招唔會再賴嘢